Хөрмәтле уҡытыусылар, уҡыусылар, мәғариф хеҙмәткәрҙәре һәм ата-әсәләр!

Барығыҙҙы ла Белем көнө һәм яңы уҡыу йылы башланыу менән ихлас ҡотлайым!
Белем көнө – барыбыҙҙың да яҡын һәм көтөп алған байрамы. Ул бигерәк тә беренсе класс уҡыусылары өсөн иҫтәлекле көндәрҙең береһе булараҡ хәтерҙә ҡаласаҡ. Тап бөгөн уларға тәүге ҡыңғырау менән бергә белем донъяһына һәм ҡыҙыҡлы асыштарға юл асыла.
Барлыҡ уҡыусыларға яңы уҡыу йылы уңышлы, яҡшы билдәләргә һәм юғары һөҙөмтәләргә бай булһын!
Уҡытыусыларға яуаплы эшегеҙҙә яңы һөнәри бейеклектәр, көс-дәрт һәм рәхмәтле уҡыусылар теләйем!
Ата-әсәләргә мәктәп менән тығыҙ бәйләнештә эшләүҙәрен, тәрбиә эшендә сабырлыҡ теләйем! Балаларығыҙ уңыштары һәм еңеүҙәре менән гел ҡыуандырып торһондар!